"Салама", "Сайын кэрэ көстүүлэрэ" оҕолорго онлайн сайыҥҥы сынньалаҥ программаларын автордара оҕо дьоҕурун сайыннарар киин Күндэйэтээҕи филиалын үрдүк категориялаах педагога, СӨ норуотун маастара, СӨ Ил Дарханын Гранын хаһаайката Мария Алексеевна Трофянова.
"Салама" үөрэтэр программабар сиэл тыытыытын, наардааһынын, салама хатыытыгар бастакы хардыылары үөрэттибит. Таҥалайдыы, маамыкталыы өрүүнү көрдөрөн үөрэттим, оҕолор илиигэ кэтэр бөҕөхтөрү оҥоһуннулар. туоска штампанан ойууну быһа баттаан, сиэлинэн киэргэтэн дьиэ харысхалларын оҥостон үөрэммит билиилэрин чиҥэттилэр. Сатабыллаах үөрэнээчилэрбинэн Вилена Поротова, Иван Трофянов, Елизавета Трофянова буолаллар", - диэн Мария Алексеевна кэпсиир.
От ыйыгар "Сайын кэрэ көстүүлэрэ" программаҕа оҕолор хаартыскаҕа түһэриэхтэрэ, айылҕаттан туһалаах матырыйааллары хомуйан айар үлэнэн умсугуйа дьарыктаныахтара, уруһуйдааһын сатабылларыгар үөрэниэхтэрэ.
... Читать дальше »

Сунтаардааҕы оҕо дьоҕурун сайыннарар киин бэс ыйыттан онлайн сайыҥҥы сынньалаҥ программалары тиһиктээхтик ыытар. Ол курдук оҕолор "Миигин кытта туой, ыллаа" (Афанасьева М.П. ), "Аан дойду үҥкүүлэрэ" (Колодезникова Л.А.), "Биһиги олбуорбут оонньуулара" (Кириллин М.С., Григорьева Л.И.) видеоуруоктарга, саахымат, дуобат (Сантаев Д.И., Никифоров И.А. ) онлайн-турнирдарыгар, "Инстаграмҥа идея" (Иванова В.В.), "Мобильнайга хаартыскаҕа түһэрии" (Григорьева Л.И.) уо.д.а. кылгас болдьохтоох үөрэтэр программаларга дьиэттэн олорон, тэлгэһэ иһигэр дьарыктаннылар. "Оҕо саас", "Мин Россиям", "Ыһыах" онлайн-квест оонньууларга оҕолор, төрөппүттэр интэриэһиргээн кытыннылар.