Саха Өрөспүүбүлүкэтин үөрэнээччилэрин Спартакиадатыгар  Сунтаар улууһун дуобаччыттара бэйэлэрин бөлөхтөрүгэр 4 миэстэ буоллулар. Хамаанда састаабыгар Сунтаардааҕы политехническай лиссиэй үөрэнээччилэрэ - Артем Николаев (7 кыл.), Эрчимэн Чойнов (6 кыл.), Айыына Григорьева (6 кыл.) уонна Камилла Ефремова (6 кыл.) бааллар. Эдэр дуобаччыттары тренердэр Н. М. Родионова аатынан Сунтаардааҕы оҕо дьоҕурун сайыннарар киин педагогтара - М. П. Григорьева, Г. К. Николаев бэлэмнээтилэр.  Өркөн өйдөөх, тобуллаҕас толкуйдаах   дуобаччыттары бу үрдүк ситиһиигитинэн истиҥник эҕэрдэлиибит.  Инникитин даҕаны кыайыы кынаттаах, ситиһии көтөллөөх буолуҥ диэн алгыыбыт.  

СЦДТ пресс киинэ