Бу күннэргэ Дьокуускай куораттан дьоҕурдаах оҕолору сүүмэрдиир сыаллаах образовательнай экспедиция үлэлээн барда. 
Норуоттар икки ардыларынааҕы гроссмейстер, Россия гроссмейстера, нуучча дуобатыгар 12 төгүллээх Аан дойду чемпиона, Саха Өрөспүүбүлүкэтин физическэй культуратын уонна спордун үтүөлээх үлэһитэ, Саха Өрөспүүбүлүкэтин сүүмэрдэммит спортивнай хамаандатын кылаабынай тренерэ Колесов Гаврил Гаврильевич дуобакка сеанс, маастар кылаас ыытта. Барыта 26 дуобаты таптааччы оҕо кыттыыны ылла.  Оҕо дьоҕурун сайыннарар киин "Дебют" дуобат кулуубун үөрэнээччитэ Денис Торговкин гроссмейстеры кытта оонньоон тэҥнэһэн барыбытын үөртэ. Салгыы автограф сессия, хаартыскаҕа түһүү буолла.   Маастар-кылаас олус интэриэһинэйдик, сэргэхтик ааста. Эдэр дуобатчыттарга спортивнай разрядтарын туоһулуур киниискэлэри улуус дуобакка Федерациятын бэрэссэдээтэлэ  Борис Серафимович Васильев үөрүүлээх быһыыга-майгыга туттарда. 

Өркөн өй, тобуллаҕас толкуй бырааһынньыга дуобатчыттарга үтүө өйдөбүл буолан хаалыаҕа.

Айна Яковлева