Быйыл Сунтаар улууһугар оҕо сайыҥҥы сынньалаҥын бастакы сезонугар (бэс ыйыгар) уопсайа 16 лааҕыр үлэлиэ. Лааҕырдар үлэлэрэ оҕо иллэҥ кэмин туһалаахтык атаарарыгар туһуланыахтара.

Быйыл бастакы сезоҥҥа Уһун Күөл, Күүкэй, Куокуну, Устье, Бордоҥ, Кириэстээх, Күндэйэ, Кэмпэндээйи орто оскуолаларын таһынан Сунтаардааҕы алын сүһүөх, 1-кы, 2-с нүөмэрдээх оскуолалар, лиссиэй-интэринээт, Сунтаардааҕы оҕо дьоҕурун сайыннарар киин, "Ситис" интеллектуальнай киин, оҕо ускуустубатын оскуолатын лааҕырдара үлэлиэхтэрэ. Лааҕырдар спортивнай, туристическай, экологическай, тыа хаһаайыстыбатыгар, үлэҕэ сыһыаннаах, о.д.а. хайысхалары тутуһуохтара. Күүкэйдээҕи уонна Устьетааҕы орто оскуолалар лааҕырдарын кытта Сунтаардааҕы полиция отдела, МЧС, технологическай колледж ыкса ситимнээхтик үлэлэһиэхтэрэ, оҕо матаһыыкыл ыытар быраабы ыларыгар кыах биэриэхтэрэ. "Ситис" интеллектуальнай киин лааҕырын СВО-ҕа сылдьааччылароҕолоругар анаан үлэлэтиэ.

Лааҕырдарга сайаапканы эрдэттэн Госуслуганан эбэтэр оҕо үөрэнэр оскуолатыгар тустаах испэсэлиистэргэ биэриэххэ сөп.

https://сунтаарсонуннара.рф/article/96375