Олунньу 25 күнүттэн кулун тутар 17 күннэригэр Владивосток куоракка «Океан» Бүтүн Россиятааҕы оҕо киинигэр «Юный инструктор по шахматам» диэн сменаҕа дойду 270-ча эдэр саахымаччыта  мустан үөрэнэ, сынньана сылдьаллар. Саха сириттэн барбыт улахан бөлөххө Сунтаартан Света Софронова уонна Жан Портнягин бааллар. 
Светалаах Жан Сунтаардааҕы политехническай лиссиэй 7б кылааһыгар үөрэнэллэр, Н.М.Родионова аатынан Сунтаардааҕы оҕо дьоҕурун сайыннарар киин «Белая ладья» саахымат кулуубугар кыра кылаастан дьарыктаналлар. Улууска, нэһилиэккэ ыытыллар саахымат күрэстэригэр бириистээх миэстэни ылаллар. 
 Саахымат лааҕырыгар оҕолор биир саастыылаахтарын кытта доҕордоһон, күрэстэһэн, элбэххэ үөрэнэн, сайдан кэлиэхтэрэ. 
                                                                                                                                                           Айна Яковлева