Бүгүн Сунтаар улууһун эбии үөрэхтээһин түөрт тэрилтэтин холбоһуктаах педагогическай сэбиэтэ  ыытылынна. Педагогическай сэбиэт  үөрэх үлэһиттэрин олунньутааҕы мунньахтарын иһинэн тэрилиннэ. Элгээйитээҕи региональнай музейнай-экологическай киин (директор А.С.Иванова), “Ситис” образовательнай киин (директор М.В.Григорьева), Сунтаардааҕы оҕо спортивнай оскуолата (директор А.Н.Михайлов) уонна Н.М.Родионова аатынан Сунтаардааҕы оҕо дьоҕурун сайыннарар киин (директор А.В.Антонова) администрацията, педагогтара 2023 сылга биллэриллибит Уһуйааччы уонна сүбэһит (Педагог уонна наставник) сылыгар ыытыллар үлэлэр былааннарын, Саха Өрөспүүбүлүкэтин Ил Дархана А.С.Николаев анал этиитигэр ыйбыт соруктарын тула кэпсэттилэр. Биэс бөлөххө түмсэн эбии үөрэхтээһин наставнигын уонна педагогун ыйын тэрийии былаанын оҥордулар. Педагогтар Ольга Горохова, Варвара Иванова, Руслан Иванов, Петр Егоров, Юлия Ананьева бөлөхтөртөн киирбит этиилэри экспертэр иннилэригэр билиһиннэрдилэр. Ол курдук, эбии үөрэхтээһин үлэһиттэрин спартакиадатын ыытыы, улуус устун выездной оскуоланы үлэлэтии, педагогтары киин куораттарга ыытан үөрэтии о.д.а. интэриэһинэй этиилэр киирдилэр.

Айна Яковлева.