Сунтаардааҕы оҕо дьоҕурун сайыннарар киин сыллата үөрэнээччилэрин олох киэҥ аартыгар атаарар, кинилэргэ баҕа санаа бастыҥын этэр үтүө үгэстээх. Олох кыра саастарыттан хомус кэрэ эйгэтигэр иитиллибит, төрүт үгэстэригэр утумнаахтык уһуйуллубут кыргыттарбытыгар Света Ильинаҕа, Туйаара Шадриноваҕа оскуоланы ситиһиилээхтик бүтэрбиттэринэн эҕэрдэлээтибит. Онтон уһуйааччылара Тамара Николаевна Спиридонова @kuotamara үөрэнээччилэригэр анаан бэйэтин илиитин сылааһын иҥэрбит, ойуулаан-мандардаан тикпит өттүк симэҕин бэлэхтээтэ. Маанылаан тикпит алгыстаах киэргэллэрэ
Светаҕа, Туйаараҕа үйэлээх харысхал, күннээх көмүскэл буола турдуннар. 

@ayna_yakovleva0301