Быйыл өрөспүүбүлүкэҕэ иккис төгүлүн ыытыллыбыт хомус олипиадатыгар 9 улуус Нам, Мэҥэ-Хаҥалас, Уус-Алдан, Хаҥалас, Горнай, Бүлүү, Үөһээ-Бүлүү, Ньурба, Сунтаар 5-6 кылааһын үөрэнээччилэрэ кытыннылар.
Тэрийээччилэр Сунтаар улууһун үөрэҕириитин салалтата, Н.М.Родионова аатынан Сунтаардааҕы оҕо дьоҕурун сайыннарар киин, Г.Е.Бессонов Тойбохойдооҕу республиканскай историко-краеведческай комплекс, Аан дойдутааҕы хомус киинэ уонна түмэлэ.
 Икки түһүмэхтээх онлайн олимпиадаҕа барыта 151 хомуһу тардар, сэҥээрэр оҕо талаанын, билиитин тургутан көрдүлэр, ыйытыыларга хоруйдаатылар.
 Түмүккэ сунтаардар ситиһиибит: 
Практическай чаас 
III истиэпэннээх лауреат Неустроева Марина, (Бордоҥ, уус-уран салайааччыта Любовь Петрова).
Теоретическай чаас
 I истиэпэннээх дипломаннар Леонтьева Юлианна, Семёнов Александр, Сидорова Рената, Михайлова Арианна – тойбохойдор, 
II истиэпэннээх дипломаннар Неустроева Марина, Николаева Дарина - бордоҥнор,  Уарова Яна –Тойбохой, Алексеева Айыына (Аллыҥа).
III истиэпэннээх дипломаннар Жирков Борис, Иванова Каролина - СДШИ, Прокопьев Богдан (Бордоҥ).
“Бэйбэри” фольклорнай куруһуок (уус-уран салайааччы Т.Н.Спиридонова ) үөрэнээччилэрэ Алексеева Нелли, Кокорева Нелли, Корнилов Кирилл, Артемьев Эльдар уонна Михайлов Олег   СЦДТ анал бирииһинэн  бэлиэтэннилэр. 
Хомус олимпиадатын ааптара биһиги биир дойдулаахпыт А.К.Никитина кулун тутар саҥатыгар Сунтаарга   кэлэн хомус тула сэминээр ыытыаҕа.