Сунтаар нэһилиэгин балаҕаныгар олохтоох дьаһалта дьиэ кэргэни уонна нэһилиэнньэни кытта үлэлиир салалта Иванова З.В. уонна Сунтаардааҕы оҕо дьоҕурун сайыннарар киин (дир. Антонова А.Н) «Таптал баар» диэн холбоһук тэрээһинэ ыытылынна. 50-тан элбэх сыл олорбут көмүс үйэлээх ытык-мааны ыалга анаан музыкальнай клип сүрэхтэниитэ буолла. Бырайыак ааптара эбии үөрэхтээһин үрдүк категориялаах педагога Ларионова Лидия Семеновна, оператор-монтажер Ярослав Филиппов. «Таптал баар» музыкальнай клибэ кэлбит ыалдьыттар сэҥээриилэрин ылла, аҕам саастаах кэргэнниилэри ис сүрэхтэн иэйиилээхтик үөртэ, уйадытта, эдэр саас кэрэ кэмнэрин, маннайгы билсиһиини истиҥник санатта. Клип ырыатын ааптардара: тыллара Елена Антонова - Күн Сиккиэрэ, Михаил Гоголев - Долгун, матыыба Марта Васильева - Алгыстаана. Маны эдэр кэргэнниилэр Светлана Андрей Егоровтар толордулар.

Сотору кэминэн «Таптал баар» клип НВК Саха тв тахсарын күүтэбит. Ол хайа иннинэ бу сигэни баттаан көрүөххүтүн сөп.
https://youtu.be/XxKTt20AfEM

@_tuscu_keskilleex_sonunnara_