Үтүмэн үйэлэргэ чочуллан-таҥыллан кэлбит сахабыт тыла ХХ1 үйэҕэ хайдах дьылҕалаах буолара хас биирдиибититтэн тутулуктаах. Өйдөөн-дьүүллээн, анааран  көрөрбүтүттэн, кэлбит кэм тургутууларыгар бэлэмнээх буоларбытыттан,  тылбытын харыстыыр уонна сайыннарар суолу тобуларбытыттан.

    Сунтаардаа5ы О5о дьо5урун сайыннаран Киин педагогтара Саха Өрөспүүбүлүкэтин  судаарыстыбаннаһын күнүгэр уонна Сунтаар улууһугар биллэриллибит Тыл сылыгар аналлаах  “Ийэ тылбыт сарсыҥҥытын Сунтаар бүгүн түстээтин” диэн ааттаах  Тыл сүбэтин тэрийэргэ  уонна ыытарга үлэлэстилэр. Тыл Сүбэтэ  9 түһүлгэнэн Сунтаарга  муус устар  26 күнүгэр үлэлээтэ. Сүбэ Илдьит сирэйэ – Наталья Владимировна Михайлева-Сайа. Сүбэҕэ барыта 312  киһи кыттыыны ылла. Кинилэр ортолоругар – улуус администрациятын салайар үлэһиттэрэ, нэһилиэктэр баһылыктара, үөрэҕирии, култуура үлэһиттэрэ, спорт отделын, тыа хаһаайыстыбатын салайааччылара, урбаанньыттар, общественность , төрөппүттэр.  Антонова А. В. Тэрийэр сүбэҕэ уонна Тыл Сүбэтин, түһүлгэлэр үлэлэрин сүрүннээччинэн, Лидочен Г.Н., Потапова Н.В., Яковлева А.П., , Николаев П.Е. түһүлгэлэр салайааччыларынан уонна Мурзабаев Е.Б. салайааччы көмөлөөһүччүтүнэн, Насырова Н.Р. – тэрээһиҥҥэ  үлэлээтилэр.

     Тыл сүбэтигэр мустубут дьон бары , ким туох үлэлээҕиттэн, дуоһунастааҕыттан, эбээһинэстээҕиттэн  тутулуга суох,  билиитин, олоххо көрүүтүтн холбоон , «улахан түмүгү ситиһиэххин баҕарар буоллаххына ,  кыра сыаллары туруор уонна кинилэри олоххо киллэрэргэ күүскүн, билиигин туһаай, бэйэҥ тула күүстээх команданы хомуй” диэн санаанан салайтаран бырайыактыыр үлэҕэ кыттыста.  Тыл сүбэтигэр элбэх этиилэр  киирдилэр, сурукка тиһилиннилэр. Хас биирдии түһүлгэҕэ туруоруллубут кыра сыаллар ситимнэнэн уопсай үлэ барылыгар кубулуйуохтара, үптээх-харчылаах улуус Тылга туһаайыллыбыт тосхоло буолуохтара дин бигэ санаалаах, ону олоххо кииллэрэргэ бары бииргэ үлэлиэхпит диэн  мэктиэ тыллаах түһулгэлэр оҥорбут барылларын Дьуүүлүүр сүбэҕэ билиһиннэрдилэр. Дьүүллүүр Сүбэҕэ бааллар:

1. Григорьев Анатолий Васильевич, улуус Аҕа баһылыга
2. Попова Улльяна Дмитриевна, улуус Мунньаҕын бэрэссэдээтэлэ
3. Васильев Борис Серафимович,  улуус Аҕа баһылыгын солбуйааччыта
4. Еремеев Гаврил Михайлович, улуус Аҕа баһылыгын солбуйааччыта
5. Александров Николай Павлович, улуус Аҕа баһылыгын солбуйааччыта
6. Иванов Альберт Ионович, үөрэҕирии саламтатаын салайааччыта
7. Львова Надежда Григорьевна, урбаанньыт, Общественнай палата бэрэстэбиитэлэ
8. Васильев Юрий Юрьевич, ФКУ салайааччыта
9. Егоров Николай Егорович, улуус адиминистрацията

Саха Өрөспүүбүлүкэтин  судаарыстыбаннаһын күнүн үөрүүлээх чааьыгар Улуус баһылыга бу бырайыактартан таҥыллан муниципальнай тосхол  оҥоруллан олоххо киириэ диэн тылын эппитэ биһигини олус үөртэ. Элбэх киһи кыттыылаах оҥоруллубут тосхол  ситиһиилээхтик үлэлээтин.