Главная » 2024 » Январь » 18 » УЛУУС БАҺЫЛЫГЫН ОРОҺУОСПАТААҔЫ ХАРЫЙАТА
10:57
УЛУУС БАҺЫЛЫГЫН ОРОҺУОСПАТААҔЫ ХАРЫЙАТА
УЛУУС БАҺЫЛЫГЫН ОРОҺУОСПАТААҔЫ ХАРЫЙАТА

Үгэс быһыытынан сыллата ыытыллар улуус баһылыгын Ороһуоспатааҕы харыйатыгар тохсунньу 9 күнүгэр оскуола туйгун үөрэнээччилэрэ, НПК, олимпиада кыттыылаахтара, талба талааннаах, уопсастыбаннай үлэҕэ көхтөөх үөрэнээччилэр Сибиэрэп киинигэр тоҕуоруһа муһуннулар. "Былаастыын сэһэргэһии” көрсүһүү түөрт былаһаакканан «Мировое кафе” форматынан ыытылынна. Айхал Тимофеев, Тамерлан Тихонов, Лена Петрова, Милена Коротова хамаандалара (араҕас, кыһыл, халлаан күөх, маҥан өҥнөөх браслеттар) “Аҕам саастаах дьоҥҥо ытыктабыл сыла” –ытыктабыл, үйэтитии, уһун үйэлэнии, доруобуйа, чөл турук тула улуус аҕа баһылыгын А.В.Григорьевы, улуус кылаабынай бырааһа А.Н.Назаровы кытта кэпсэттилэр. Салгыы “Төрөөбүт төрүт тыл сыла” былаһааккаҕа сахалыы саҥарар, толкуйдуур эйгэ тула тыл сүппэккэ, чэчирии сайдарын, инники кэскилин туһунан улуус баһылыгын экономическай сайдыыга уонна стратегическай былааннааһыҥҥа солбуйааччыта Б.С.Васильевы, улуус култууратын уонна айылгытын салалтатын салайааччыта С.Д.Омукованы уонна үөрэҕирии салалтатын салайааччыта А.И.Иванову кытта кэпсэттилэр. “Дьиэ кэргэн, оҕо саас сыла” былаһааккаҕа улуус баһылыгын социальнай уонна имиджевэй бэлиитикэҕэ солбуйааччыта Г.М.Еремеевы, ыччат бэлиитикэтин салаатын салайааччыта Т.А.Иванову, улуустааҕы спорт уонна физическэй култуура салаатын салайааччыта С.А.Павловы кытта дьоллоох оҕо саас, бигэ туруктаах дьиэ кэргэн үтүө үгэстэрин өйөөһүн, Сунтаар инникитэ – оҕо хараҕынан тула ирэ-хоро сэһэргэстилэр. Онтон “Үлэ сыла, Наука уонна саҥа технологиялар Сунтаарга” былаһааккаҕа улуус баһылыгын бастакы солбуйааччыта Н.П.Александров, тыа хаһаайыстыбатын салалтатын салайааччыта В.Ф.Анисимов уонна үөрэҕирии салалтатын салайааччытын бастакы солбуйааччы В.В.Уаров үөрэнээччилэри кытта үлэ, инники идэ, тыа сиригэр олох таһыма, саҥа сүүрээннэр тустарынан кэпсэтэн, интэриэһиргиир ыйытыыларыгар хоруй ыллылар. Үүммүт 2024 сылы бииргэ түстүүр, Сунтаарбыт улууһун сайдар саҕахтарын торумнуур көрсүһүүнү педагогтар Вера Зоммер, Августина Попова, Айна Яковлева, Надежда Потапова, Елена Томская, Наталья Насырова иилээн-саҕалаан ыыттылар, онтон Сунтаардааҕы оҕо дьоҕурун сайыннарар киин выпускниктара, билигин араас үөрэх кыһаларын устудьуоннара Дарима Антонова, Майя Давыдова, Дайаана Саввинова уонна Дархан Афанасьев күүс-көмө буоллулар, кэпсэтиигэ кыттыстылар.
Категория: Новости | Просмотров: 209 | Добавил: zombirovanniy | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]