Дьиэ кэргэҥҥэ норуот тылынан уус-уран айымньытын көмөтүнэн саха төрүт култууратын, тылын-өһүн сайыннарар, ыччаты Ийэ дойдутугар бэриниилээх буоларга иитэр, чабырҕах, норуот ырыата, тойук, хомуска тардыы, олоҥхо үтүө үгэстэрин тутуһан сайдар суолларын кэҥэтэр сыаллаах-соруктаах «Өбүгэ быстыбат ситимэ – мин дьиэ кэргэммэр» диэн кэмпириэнсийэ ыытылынна. Кэмпириэнсийэҕэ дистанционнай көрүҥүнэн 10 дакылаатчыт уонна биир кэтэхтэн ааҕааччы кыттыыны ыллылар. 
Кэмпириэнсийэ тэрийээччилэрэ: Сунтаар улууһун үөрэҕириитин салалтата, Н.М.Родионова аатынан Сунтаардааҕы оҕо дьоҕурун сайыннарар киин.
Дакылааттары экспертэр улуустааҕы архыып сэбиэдиссэйэ А.Е.Яковлев, тэрийээччи-педагог Н.В.Потапова,  педагог, фольклорга сүрүннээччи Ю.М.Ананьева сыаналаатылар уонна түмүгү маннык таһаардылар.
Кыра бөлөххө
1 миэстэ - Архипов Вячеслав, А.А.Иванов – Күндэ аатынан Кутана орто оскуолатын 2 кылааһын үөрэнээччитэ «Мин хос эһэм А.Н. Гаврильевич С.А.Зверев –  ансаамбылын кыттыылааҕа» дакылаатынан. Салайааччыта Минина Сахаайа Семеновна, алын кылаас учуутала. 
2 миэстэ - Иванов Алексей Б..Н. Егоров аатынан Күндэйэ орто оскуолатын 3 кылааҺын үөрэнээччитэ "Улуу Киһини кытта алтыһыы - дьылҕа бэлэҕэ" дакылаатынан. Салайааччыта Степанова Маргарита Максимовна, алын кылаас учуутала
3 миэстэ – Федорова Ванесса, В.И.Иванов аатынан Кэмпэндээйи орто оскуолатын 5 кылааһын үөрэнээччитэ "Биһиги дьиэ кэргэҥҥэ саха фольклора" дакылаатынан. Салайааччы Федорова Изабелла Прокопьевна, төрөппүт. 
Улахан бөлөххө
1 миэстэ – Борисов Юрий, В.М. Анисимов аатынан Түбэй орто оскуолатын 7 кылааһын үөрэнээччитэ "Тойуктаах Тоокуйаба" дакылаатынан. Салайааччыта Федорова Зоя Михайловна, алын кылаас учуутала. 
2 миэстэ – Иванова Сандаара, А.А.Иванов –Күндэ аатынан Кутана орто оскуолатын 7 кылааһын үөрэнээччитэ "Хос эһэм-норуот ырыаһыта Павел Ефремович Александров" дакылаатынан. Салайааччыта Афанасьева Мария Павловна, фольклор куруһуогун уһуйааччыта.
3 миэстэ – Александрова Айыына, П.Х.Староватов аатынан Элгээйи орто оскуолатын 11 кылааһын үөрэнээччитэ "Биир дойдулаахпыт норуот ырыаһыта, олоҥхоһута, айар талааннааҕа Алексей Петрович Амвросьев-Омуруоска" дакылаатынан. Салайааччыта Попова Ангелина Парфеньевна, биология учуутала. 
Кыайыылаахтары итиитик-истиҥник эҕэрдэлиибит. Төрөөбүт төрүт тыл сылыгар анаммыт кэккэ тэрээһиннэргэ инники да өттүгэр көхтөөхтүк кыттаргытыгар ыҥырабыт.

Н.М.Родионова аатынан СЦДТ пресс-киинэ