Бүлүү бѳлѳх улуустарын XXI үйэ лидерэ” автотур

Саха Ɵрѳспүүбулүкэтин судаарыстыбаннаһын 100 сылын кѳрсѳ улуустааҕы биир сомоҕо оҕо хамсааһынын Координационнай Сэбиэтин ѳйѳбүлүнэн «Бүлүү бѳлѳх улуустарын XXI үйэ лидерэ” автотур кыттыылаахтара Сунтаар – Бүлүү – Харбалаах – Сунтаар маршрутунан икки куннээх айаӊӊа сырыттылар.

Автотурга улуус бастыӊ актыбыыс оҕолоро Түбэй-Дьаархантан, Кутанаттан, Күндэйэттэн, Тойбохойтон, ССОШ№1, лиссиэйтэн түмүллүбүттэр. Делегация Бүлүүтээҕи кыраайы үѳрэтэр музейга, куорат кэрэ-бэлиэ миэстэлэринэн экскурсияҕа, “Булуу кэскилэ” оҕо түмсүүтүн кытта доҕордуу кѳрсүһүүгэ сырыттылар.

Салгыы Үѳһээ Бүлүү Харбалааҕар Саха сирин судаарыстыбаннай, общественнай деятелэ, экономист учуонай Исидор Барахов баай матырыйааллаах музейын сэргээн кѳрдүлэр, интеллектуальнай оонньууга билиилэрин тургуттулар. Настя Веригина викторина кыайыылаа5ынан буолла.

Саха норуота олорон кэлбит историята умнуллубат, кэлэр кэнчээри ыччат үѳрэтэрэ, салгыы сайыннарара кэм кэрдии ирдэбилэ.

Автотур кыттыылаахтара 2022 сылга диэри Максим Аммосов, Платон Ойуунускай, Степан Аржаков, Степан Васильев о.д.а. биллиилээх дьон чаҕылхай, эриирдээх олохторун салгыы үѳрэтэр, билсэр, чинчийэр баҕа санаалаахтар.

 $IMAGE23$