*Сунтаардааҕы оҕо дьоҕурун сайыннарар киин (директор Антонова А.В.) сыллата Учуутал күнүн көрсө "Учууталгын эҕэрдэлээ"* диэн аахсыйаны тэрийэн ыытар. Графическай дизайн уонна БИТ компьютернай кулууп эдэр педагогтара Варвара Иванова, Егор Мурзабаев үөрэтэр, дьарыктыыр оҕолорун кытта бэйэлэрэ оҥорбут, бэчээттээбит аккырыыккаларын тарҕатыахтара. Аахсыйа бастакы эҕэрдэлэрин аҕам саастаах бэтэрээн учууталлар туттулар. Салгыы истиҥ тыллаах аккырыыккалары улуус үгүс учууталлара тутан идэлээх бырааһынньыктарын үөрэ-көтө бэлиэтиэхтэрэ. Учуутал үрдүк аатыгар сүгүрүйүү, киниэхэ махтал күннэтэ баар буоллун. *Ааптар: Айна Яковлева*