Учуутал уонна уһуйааччы сылынан ыытыллыбыт өрөспүүбүлүкэтээҕи күрэскэ улуустартан, куораттартан барыта 400-чэ  педагог кыттыбытыттан хамыыһыйа быһаарыытынан анал бириэмийэни 100 учуутал, эбии үөрэхтээһин педагога ылыахтара. Сунтаар улууһуттан түөрт педагог маннык бириэмийэ хаһаайыттарынан буоллулар. Биир идэлээхпитин, Н. М. Родионова аатынан Сунтаардааҕы оҕо дьоҕурун сайыннарар киин Кутанатааҕы филиалын үрдүк категориялаах эбии үөрэхтээһинин педагогун, СӨ үөрэҕириитин туйгунун, олоҥхо уһуйааччытын, оһуокайга, тойукка, дэгэрэҥ ырыаҕа"Саха сирин үтүөлээх этээччитэ" анал аат хаһаайкатын Мария Павловна Афанасьеваны анал бириэмийэни ылбыккынан итиитик-истиҥник эҕэрдэлиибит. Саха норуотун төрүт үгэстэрин, ырыатын-тойугун үүнэр көлүөнэҕэ бэйэҥ үтүө холобургунан тарҕата, үөрэтэ сылдьаргыттан, элбэх үөрэнээччилэриҥ Эйигин батыһан айымньылаахтык үлэлииллэриттэн киэн туттабыт, холобур оҥостобут.