Кулун тутар 23 күнүгэр С. А. Зверев-Кыыл Уолун  аатынан улуустааҕы норуот айымньытын киинигэр «Эбии үөрэхтээһин: айар үлэнэн кэлэр кэми бүгүн түстүүбүт» диэн үөрүүлээх тэрээһин ыытылынна. Улуус эбии үөрэхтээһин тэрилтэлэрэ: «Ситис» интеллектуальнай киин (дир. М.В.Григорьева), Б.Н.Андреев аатынан Элгээйитээҕи региональнай музейнай-экологическай киин (А.С.Иванова), Сунтаардааҕы оҕо спортивнай оскуолата (дир. А.Н.Михайлов), Сунтаардааҕы оҕо искусствотын оскуолата (дир. А.К.Степанов), Н.М.Родионова аатынан Сунтаардааҕы оҕо дьоҕурун сайыннарар киин (дир. А.В.Антонова) педагогтара, үөрэнээччилэрэ араас хайысхалаах быыстапкалары, маастар-кылаастары көрдөрдүлэр. Анал графигынан тэриллибит экскурсияларга Сунтаар нэһилиэгин оскуолаларын үөрэнээччилэрэ, учууталлара, директордара, бэтэрээн учууталлар, общественнай түмсүүлэр кыттыылаахтара күндү ыалдьыт буоллулар. «Тута тигии  Эйиэхэ  анаан» диэн үтүө санаа Аахсыйатынан  биэс оҕоҕо бэйэлэрин баҕаларынан, сакаастарынан таҥас тигиитэ тэрилиннэ. «Уһуйааччы уонна кини үөрэнээччитэ» - фольклорга уһуйааччылар уонна үөрэнээччилэр икки ардыларыгар  күрэскэ М.П.Афанасьева үөрэнээччитэ Александра Ивановалыын (Кутана) кылаан кыайыылаахтарынан буоллулар. 
«Оҕо-оҕо эрдэххэ оонньоомохтоон хаалыаҕыҥ...» аһаҕас тэрээһиҥҥэ көрдөөх оонньууларга кыттыбыттар, кыайыылаахтар бириистэринэн бэлиэтэннилэр. Анал бириистэри туруорбут  Сунтаар нэһилиэгин администрациятыгар (баһылык Э.Е.Филиппов) тэрийээччилэр истиҥник махтанабыт. 
Аһаҕас аан күнүн үөрүүлээх түгэнинэн “Идэҕэ бэриниилээх буолуу: 50 сылтан ордук – үөрэх тэрилтэтигэр” бэлиэни туттарыы уонна “Мастерята Навыки юных” алын кылаас үөрэнээччилэрин ортотугар ыытыллыбыт Чемпионат кыайыылаахтарын эҕэрдэлээһин буолла. Наҕараадалары кыра маастардар (“Мастерята Навыки юных”) улуус баһылыгын социальнай уонна имиджевэй бэлиитикэҕэ солбуйааччыта Г.М.Еремеев илиититтэн туттулар.
1-2 кылаастарга
1 м. – 1 “б” кылаас “В.Г.Павлов аат. СНОШ” (кылаас сал. – Алексеева Анна Тарасовна)
2 м. –2 кылаас “А.П.Павлова аат. ССОШ№1” (кылаас сал. – Филиппова Марина Валерьевна)
3 м. – 2 “д” кылаас  “В.Г.Павлов аат.  СНОШ” (кылаас сал.  – Потапова Нина Семеновна)
3 - 4 кылаастарга 
1 м.  – 3 “д” кылаас “В.Г.Павлов аат. СНОШ” (кылаас сал. – Кривошапкина Сардана Фрументьевна)
2 м. – 3 кылаас “А.П.Павлов аат. ССОШ№1” (кылаас сал. – Заморщикова Лия Станиславовна) 
3 м. – 3-4 кыл. хамаандата “В.Г.Акимов аат. Бүлүүчээннээҕи лиссиэй” (кылаас салайааччылара– Кириллина Ангелина Валерьяновна, Степанова Наталья Александровна)
“Идэҕэ бэриниилээх буолуу” анал бэлиэни Сунтаардааҕы оҕо ускуустубатын оскуолатын муусукаҕа преподавателэ Исаева Светлана Максимовна, «Ситис» интеллектуальнай киин математикаҕа учуутала Михайлова Наталия Васильевна, Н.М.Родионова аатынан Сунтаардааҕы оҕо дьоҕурун сайыннарар киин үрдүк категориялаах педагога, “Аргыс” оҕо видеостудиятын салайааччыта Ларионова Лидия Семеновна уонна өр сылларга Кутана оскуолатын директорынан үлэлээбит билигин Н.М.Родионова аатынан Сунтаардааҕы оҕо дьоҕурун сайыннарар киин педагог-организаторынан үлэлиир  Никифоров Капитон Николаевич  ыллылар. 
Дойдубут тэбэр сүрэҕиттэн Москва куораттан профориентационнай тур кыттыылаахтара улууска ыытыллыбыт Агрохакатон кыайыылаахтара -  Демид Егоров, Станислав Горохов, Ли Станислав, Семенова Анисия, Авелова Владилена, Прокопьева Алина салайааччылара Петр Романович Егоровтыын быһа эпииргэ холбонон эҕэрдэлэрин тириэртилэр. 
Улуус биэс эбии үөрэхтээһинин тэрилтэлэрин администрацията, педагогтара  бу күн уопут атастаһан, истиҥник көрсүһэн,  үөрэҕирии салалтатын начальнига А.И.Ивановтуун, Сунтаар нэһилиэгин олохтоох дьаһалтатын баһылыгын солбуйааччыта Ф.С.Федоровтыын көрсүһүүнэн күн таһаарыылаахтык түмүктэннэ. 

      
Айна Яковлева