Ытыктабыллаах салайааччыбыт, Сунтаардааҕы оҕо дьоҕурун сайыннарар кииҥҥэ 31 сыл үрдүк таһаарыылаахтык директорынан үлэлээбит Надежда Михайловна РОДИОНОВА биһиги ортобутуттан олохтон туораабыта ахсынньы 8 күнүгэр 3 сылын туолла. 
Надежда Михайловна дьоллоох олоҕу олорон ааспыта. Үлэтэ сирдээҕи олоҕу киэргэтэр, өйү-санааны сааһылыыр, толкуйу тобулар эйгэни кытта ыкса ситимнээҕэ: ырыа, үҥкүү, оһуокай, айар уус-уран дьоҕур, дуобат, саахымат, пионерия, комсомол - эрэллээх доҕоттору, күүрээннээх үлэни, өрөгөй ситиһиилэри, үлэттэн, олохтон астыныыны, үрдүк үөрүүнү бэлэхтээбиттэрэ. Дойдутун, дьонун таптыыра, кинилэр тустарыгар ийэлии кыһаллара дьиҥнээх патриот диэн Кини этэ. Учуутал, салайааччы, уопсастыбаннай лидер, эрэллээх дьүөгэ, иллээх дьиэ кэргэн бас-көс киһитин быһыытынан өйбүтүгэр-сүрэхпитигэр хаалыаҕа. 
Күндү киһибитин үйэтитэн улуус бастыҥ баһаатайдарыгар “Оҕо сүрэҕэр кыымы саҕааччылар” күрэс, үтүө санаа уруога үрдүк таһымҥа ыытыллар. 2020 сылтан айымньылаахтык үлэлээбит, салайбыт тэрилтэтэ - Сунтаардааҕы оҕо дьоҕурун сайыннарар киин Надежда Михайловна Родионова аатын чиэстээхтик сүгэр. 
Үрдүк мэҥэ халлаантан биһигини арчылыы, араҥаччылыы сылдьыаҕар, аатын сүгэр тэрилтэтэ ситиһиилээх үлэтинэн аата ааттана туруоҕар эрэнэбит.
Н.М.Родионова аатынан Сунтаардааҕы оҕо дьоҕурун сайыннарар киин администрацията, коллектива.