Россия үөрэнээччилэрин хамсааһынын программаларын, бырайыактарын  олоххо киллэрэр, оҕо кыаҕын көҕүлүүр сыаллаах тэриллибит Форумҥа улуус 17 оскуолатыттан 140-чэ үөрэнээччи, оҕо уопсастыбаннай тэрилтэтин салайааччылара кытыннылар.  Тэрийээччилэр улуус үөрэҕин салалтата, Сунтаардааҕы оҕо дьоҕурун  сайыннарар киин, Сунтаар 1 №-дээх орто оскуолатын “Эрэл” оҕо түмсүүтэ көрүү-күрэхтэри, “Наследники Победы” Кыайыы 75 сылыгар туһуламмыт бырайыагы билиһиннэрдилэр, станцияларынан оонньуулары ыыттылар. Оскуола иһинэн үлэлиир  оҕо түмсүүлэрин председателлэригэр, салайааччыларыгар туһуламмыт төгүрүк остуолга санаа атастастылар, саҥа былааннары ылыннылар. Санатан этэр буоллахха Сунтаарга биир сомоҕо оҕо хамсааһынын көхтөөх, актыбыыс, инники күөҥҥэ сылдьар оҕолорун форума 2015 сылтан үрдүк таһымнаахтык ыытыллан саамай күүтүүлээх бырааһынньыкка кубулуйда.

 Үөрүүлээх чааска улуустааҕы Координационнай Сэбиэт быһаарыытынан 14 үөрэнээччигэ «Лидер 21 века» анал аат туттарылынна. Оскуола быйылгы выпускниктара Егоров Владимир (Тойбохой), Фёдоров Арылхан (Түбэй-Дьаархан), Захаров Илларион (Кутана), Антонова Дарима (Сунтаар 1№-дээх оскуола), Иванова Кристина (СПТЛ-и), Егоров Талбан (гимназия) уо.д.а. бу  үрдүк ааты ылан грамотанан, статуэткаларынан наҕараадаланнылар.

Форум көрүү-күрэҕин улуус үөрэҕин управлениетын начальнигын солбуйааччыта Елена Васильева бэрэссэдээтэллээх дьүүллүүр сүбэ сыаналаата уонна кыайыылаахтар ааттара билиннэ.

 «Оҕо түмсүүтүн визитката» конкурска:

1 м. «Күндэйээнэ» оҕо түмсүүтэ (Күндэйэ),  оҕо түмсүүтүн сал. Анна Иванова

 2 м. “Новое поколение” оҕо түмсүүтэ (Тойбохой), оҕо түмсүүтүн сал.  Алёна Саввинова, Екатерина Васильева.

3 м.“Кэнчээри ыччат” оҕо түмсүүтэ (СПТЛ-и), оҕо түмсүүтүн сал. Айта Гуринова.

«ЕДД, РДШ үлэтин отчуоттуур быыстапка” конкурска

1 м. “Күндэйээнэ” оҕо түмсүүтэ (Күндэйэ),  оҕо түмсүүтүн сал. Анна Иванова.

2 м. “Новое поколение” (Тойбохой) оҕо түмсүүтэ, оҕо түмсүүтүн сал. Алёна Саввинова, Екатерина Васильева

3 м. ДОО “ Кэнчээри ыччат” оҕо түмсүүтэ (СПТЛ-и) рук. ДОО Айта Гуринова.

“Олоххо киирбит бырайыактар” конкурска

 1 м. “Эрэл” (Түбэй-Дьаархан), оҕо түмсүүтүн сал. Анастасия Александрова, «Сунтаар миигин ыҥырар. Сунтаар улууһун нэһилиэктэрин өрөгөй ырыалара” бырайыак.

2 м. «Кэнчээри ыччат “оҕо түмсүүтэ  (СПТЛ-и), оҕо түмсүүтүн сал.  Айта Гуринова - “Онлайн-марафон. Адвент-календарь”бырайыак.

3 м. “Новое поколение” оҕо түмсүүтэ (Тойбохой), оҕо түмсүүтүн сал.  Алёна Саввинов, Екатерина Васильева -“135 добрых дел”бырайыак.

Көрүү-күрэх түмүгүнэн муҥутуур кыайыылаахтарынан “Күндэйээнэ” (Күндэйэ),   “Новое поколение” (Тойбохой), “Кэнчээри ыччат” (СПТЛ-и) оҕо түмсүүлэрэ ааттаннылар уонна кубоктарынан, грамоталарынан бэлиэтэннилэр. Аныгыскы форум Күндэйэ оскуолатыгар ыытылларын туоһулуур көһө сылдьар чороон күндэйээнэлэргэ туттарылынна.

Айна ЯКОВЛЕВА,

Сунтаар