"Кайдзен былааннааһын "Бастакылар хамсааһыннарыгар" ситиһиини түстүүр"
диэн үөрэнээччилэр былаһааккаларыгар улуус 19 оскуолатыттан дириэктэр иитэр үлэҕэ сүбэһиттэрэ, оскуола, кылаас актыбыыс, лидер оҕолоро кыттыыны ыллылар. Улуустааҕы үөрэх салалтатын иитии уонна эбии үөрэхтээһин салаатын сүрүннүүр специалиһа Вячеслав Федоров киирии тылыгар дойдуга тэриллибит РДДМ оҕо, ыччат хамсааһынын сыалын соругун, хайысхатын чопчулаата.   Кайдзен былааннааһын бырайыактыыр үлэни  Н. М. Родионова аатынан оҕо дьоҕурун сайыннарар киин педагогтара Надежда Потапова, Петр Егоров ыыттылар. РДДМ (Российское движение детей и молодежи) "Движение первых"- "Бастакылар хамсааһыннара " 12 хайысхатын тула баҕа санаа, сайдыы, инникини былааннааһын үлэлэрин 8 хамаандаҕа арахсан торумнаатылар. Тус сайдыы, дьиэ кэргэн, үөрэх, үлэ, уопсастыбаннай үлэ, таптыыр дьарык (хобби), доҕоттор, доруобуйа тула баҕа санааны сааһылааһын, аттаран туруоруу ыытылынна. Салгыы  2023 сылга канбан былааннааһыны оҥордулар.
"Бүгүн туруоруммут сыалгыт, баҕа санааҕыт олоххо киирдиннэр, олунньу 14 күнүгэр ыытыллар оҕо гражданскай Форумугар бу киирбит баҕа санаалар, саҥа идеялар былаас иннигэр этиллэр үтүө түгэннэригэр кэлэн кыттыыны ылаарыҥ диэн",- директор А. В. Антонова түмүк тылыгар эттэ. 

Айна Яковлева