Бу маннык ааттаах оҕо былаһаакката Сунтаар улууһун күнүгэр култуура уонна сынньалаҥ пааркатыгар “Күнчээн” түһүлгэҕэ тэрилиннэ. Сунтаардааҕы оҕо дьоҕурун сайыннарар киин педагогтара Петр Николаев,  Руслан Иванов, Егор Мурзабаев, Андриан Максимов, Иван Григорьев, Андрей Прокопьев, Надежда Потапова, Вера Зоммер  “Оонньоо, толкуйдаа кыай” интерактивнай оонньуу былаһааккатын тэрийдибит. SunQuiz,  мемо, эмоджи, ретро оонньууларга, “Сунтаар улууһа” пазлы сөпкө таҥыыга оҕолор көхтөөхтүк кыттан минньигэс бириистэри ыллылар.

Биэс түһүмэҕи эрэллээхтик ааспыт саамай элбэх жетону хомуйбут  оҕолор – Алик, Эльза, Сайыына оонньуулар кыайыылаахтарынан ааттаннылар. Тапталлаах Сунтаарбыт улууһа сайда, чэчирии, үүнэ тур!

Айна Яковлева