Сэтинньи 21 кунугэр Улуустаа5ы Олонхо дьиэтигэр буолаары турар Хомус кунун керсе «Хомус хоцкунуур тойуга» диэн ааттаан, туерт туьумэхтээн утуекэн кун тэриллэн ыытылынна.

Бу куну иилээн-са5алаан Сунтаардаа5ы о5о дьо5урун сайыннарар киин уонна Олонхо дьиэтин улэьиттэрэ куус-кеме буолан тэрийэн ыыттылар. Ке5улээччинэн СР культуратын туйгуна, идэтийбит хомус уьуйааччыта Тамара Николаевна Спиридонова.

Быйылгы сылга аан бастаан илиилэригэр хомуьу туппут бастакы сыл уеруйэ5ин о5олоро «сурэхтэнии» сиэрин -туомун аастылар. Быйыл «Бэйбэри» фольклорнай куруьуокка отут биэс о5о, Элгээйи «Куерэгэй»(сал.Чярина А.Е.), Сунтаардаа5ы музыкальнай оскуола о5олоро (сал.Нохсорова С.М.), уьус нуемэрдээх оскуола кырачаан хомусчуттара (сал. Лукина И.Н.) кыьыл дорожка5а уктээн хаамтылар, бу куну санатар туестэригэр бэлиэ кэттилэр. Алгысчыт Людмила Пустолякова кемулуек оьох иннигэр ыраастаталаан, алгыс тылын ицэрэн, алгыстаах алаадьынан кундулээн о5олорбут уердулэр –кеттулэр.

Утуе кун уеруулээх чааьын «Хамсаныылаах хомус» уцкуутунэн «Дуорай», «Дуорай кэскиллэрэ» ансамблар хомусчут о5олоро астылар (сал. Т.Спиридонова, хореограф В. Слепцова)

Биир утуе туьумэ5ининэн буолла быйыл ыьыахха тахсыбыт улууспут кемус сериятыгар киирбит «Хомус хоцкунуур тойуга» (автор Никитина А.К.) кинигэни билиьиннэрии.

Улууспут нэьилиэктэриттэн кэлбит араас хомусчут о5олор, кинилэр уьуйааччылара, улахан дьон, хомус уустара хомус дьурускэн тыаьын холобура суох хоьоонноон, таайыллыбат тыл иччилээн, ыралары ыллыктаан ыраахха кетуттулэр.

Сунтаар улууьун култуура5а уонна айылгыга салтатын начальнига Мария Кобельянова итии-истиц тылларынан этэн махтал суруктары туттарда.

Туьумэхтэрбитин кэлбит дьон бары кургуем тардан тумуктээтибит.

Барыта то5ус уонтан тахса хомусчут ону таьынан уьуйааччылар, хомус уустара, керееччулэр, тереппуттэр кыттыыны ыллылар.

Тумуккэ, Хомус тардыытын Сунтаардаа5ы ураты оскуолатын дэгэт ньымаларын бары кургуем уерэтиэххэ, баьылыахха, туспутугар туьаныахха.

Сурукка тистэ Тамара Спиридонова