Олунньу 25 күнүгэр өрөспүүбүлүкэтээҕи хомус олимпиадата 3-4 кылаас үөрэнээччилэрин ортотугар ыытылынна. Быйылгы олимпиадаҕа онлайн, куйаар ситимин нөҥүө алта улуустан Сунтаартан, Ньурбаттан, Үөһээ Бүлүүттэн, Бүлүүттэн, Мэҥэ-Хаҥаластан, Уус-Алдантан барыта 140-ча оҕо кытынна. Тэрийээччилэринэн бырайыак ааптара, биһиги биир дойдулаахпыт А.К. Никитина, Аан дойдутааҕы хомус түмэлэ уонна киинэ, Г. Е. Бессонов Тойбохойдооҕу республиканскай историко-краеведческай комплекса, Сунтаар улууһун үөрэҕин салалтата, Сунтаардааҕы оҕо дьоҕурун сайыннарар киин буоллулар. Саха хомуһун сэргиир, сэҥээрэр, талааннаах оҕолору көрдүүр, кинилэр интеллектуальнай дьоҕурдарын үрдэтэр сыаллаах ыытыллыбыт бырайыакка оҕолор Ф.А.Комиссаров хомус ууһун кыһатыгар үөрэҕи аастылар, хомус түмэлигэр онлайн экскурсияҕа сырыттылар, видеоуруоктары иһиттилэр. Оҕону хомус эйгэтин кытта бодоруһуннарар, ФГОС уонна функциональнай грамотность ирдэбиллэригэр эппиэттиир уруоктар кэннилэриттэн кыттааччылар олимпиада тургутуктарыгар эппиэттээтилэр.
   Түмүккэ Сунтаар улууһуттан оҕолор ситиһиилээхтик кытыннылар. Олимпиада теоретическай чааһыгар: Бастакы истиэпэннээх Дипломаннар: Третьяков Максим, Тойбохой (кыл.сал. Л.П.Прокопьева), Прокопьев Данил, Элгээйи (уус-уран сал. А.Е.Чярина), Чуоппаан Алгыстаана, Сунтаар (уус-уран сал.И.Н.Лукина). Иккис истиэпэннээх Дипломаннар: Андреева Виолетта, Элгээйи (уус-уран сал. А.Е.Чярина) , Алексеева Айыына, Аллыҥа (уус-уран сал. Н.С.Саввинова);
Практическай (творческай) чааһыгар: Бастакы истиэпэннээх Дипломан Громова Сайаана, Сунтаар (уус-уран сал. К.В.Сафонова). Ситиһиилээхтик кыттыбыт Герасимова Дианаҕа, Попова Тамиллаҕа (сунтаардар), Степанов Давидка (Аллыҥа) уонна саамай элбэх оҕону бэлэмнээн кытыннарбыт уус-уран салайааччыга И.Н. Лукинаҕа СЦДТ анал бириистэрэ ананнылар.
Хомус тыаһа үйэлэргэ дьүрүһүйэ турдун!

@ayna_yakovleva030