Кулун тутар 14-16 күннэригэр Сунтаар улууһун алын сүһүөх оскуолаларын үөрэнээччилэрин ортотугар «Мастерята (Навыки юных)» Чемпионат иккис төгүлүн ыытыллар. Чемпионакка  улуус 10 оскуолатыттан барыта 120-ча эдэр маастардар уонна кинилэр салайааччылара 11 көрүҥҥэ (графическай дизайн, парикмахерскай искусство, рестораннай сервис, технология моды, мобильнай робототехника, коммуникабельность, промышленнай робототехника, мультимедийнай журналистика, визаж уонна стилистика, поварскай дьыала) күрэхтэһиэхтэрэ. Ким сатабыллаах, ким бастыҥ мэтээл, кубок хаһаайына буолуоҕа. 
Үлэ бырааһынньыга Сунтаардааҕы оҕо дьоҕурун сайыннарар киин уонна В.Г.Павлов аатынан Сунтаар алын сүһүөхтээх оскуолатын базатыгар ыытыллар. 
Н.М.Родионова аатынан Сунтаардааҕы оҕо дьоҕурун сайыннарар киин пресс-киинэ