"Эдэр профессионаллар-2023"
Үөрэнээччилэр идэҕэ сатабылларын, маастарыстыбаларын үрдэтэр сыаллаах улуустааҕы «Эдэр профессионаллар-2023” Чемпионат сэтинньи 20 - ахсынньы 14 күннэригэр 10 үөрэх тэрилтэлэринэн 32 компетенциянан ыытыллыаҕа. Сунтаардааҕы оҕо дьоҕурун сайыннарар киин 7 компетенциянан  кыттааччылары тургутарга бэлэмнэнэр.  Ол курдук «Визаж уонна стилистика” (Зоммер В.С.), “Графическай дизайн” (Иванова В.В.), “Сетевой уонна системнай администрирование”, “Геоинформационнай технологиялар” (Николаев П.Е.), “Коммуникабельность” (Антонова А.В.), “Эбии үөрэхтээһин (баһаатай)” (Яковлева А.П.), “Рестораннай сервис” (Григорьева Л.И.)
"Олоҥхо киэһэтэ"
Олоҥхо ыйын аһыллыытын үөрүүлээх түһүлгэтэ бэҕэһээ С.А Зверев-Кыыл Уолун аатынан улуустааҕы норуот айымньытын киинигэр тэрилиннэ. Өрөспүүбүлүкэҕэ биллэр, талааннаах олоҥхоһуттар, биһиги биир дойдулаахтарбыт Наталья Эконова “Көҕөн Кус Уола  Күн Ньургун бухатыыр", Александра Яковлева "Оҕо Тулаайах бухатыыр", Айсен Фёдоров "Дьырыбына Дьырылыатта бухатыыр", Ефрем Афанасьев "Кулдус бөҕө" олоҥхолоруттан быһа тардан толорууларын иһиттибит. Итии  үүттээх чэй иһэн, арыылаах алаадьы, минньигэс күөрчэх, тэптэриилээх саламаат амсайан олоҥхобутун сэҥээрэн «ноо” дэстибит, астына сынньанныбыт. 
“Я-профи”
“Өлүөхүмэтээҕи үөрэнээччилэр айар дьоҕурдарын сайыннарар уонна гуманитарнай үөрэхтээһин киинэ” (директор Рожкова Ольга Юрьевна) төрдүс төгүлүн тэрийэр  “Я-профи” өрөспүүбүлүкэтээҕи Чемпионата сэтинньи 9-10 күннэригэр ыытылынна. 
Куйаар ситимин нөҥүө көстүбүт үөрүүлээх аһыллыыга тэрийээччилэр эҕэрдэлэрин ыыттылар, ситиһиилэри баҕардылар. Быйылгы Чемпионакка барыта 800-чэ кыттааччы баарын тоһоҕолоон бэлиэтээтилэр. 
СЦДТ хамаандатыгар 39 үөрэнээччи наставник-педагогтарын, төрөппүттэрин кытта күүскэ бэлэмнэнэн ситиһиилээхтик кытыннылар.  
«9 компетенцияҕа хамаанданан «Поварское дело”, “Кондитерское дело” (Иванова З.А.), “Графический дизайн” (Иванова В.В.), “Мобильная робототехника” (Мурзабаев Е.Б.), “Технология моды” (Баҕатаан М.С.к.), “Искусство кино” (Ларионова Л.С.), “Правохранительная деятельность: полицейские” (Афанасьев А.Н.) уонна биирдиилээн “Художник-декоратор” (Томская Е.А., Зоммер В.С., Иванова В.В.), “Парикмахерское искусство” (Зоммер В.С.) кытынныбыт. СЦДТ хамаандатыгар 2-5 кылаас үөрэнээччилэрэ  Сунтаардааҕы политехническай лиссиэйтэн, В.Г.Павлов аатынан Сунтаар алын сүһүөхтээх, А.П.Павлов аатынан Сунтаар 1№-дээх оскуолаларыттан бааллар. Кыттааччылар бэриллибит сорудахтарын толорон, хаартыскаҕа түһэрэн, видеоҕа устан ыыттылар. Аны экспертэр түмүктэрин долгуйа күүтэбит”, - диэн Чемпионаты сүрүннээччи Надежда Потапова этэр. 

В Якутии дан старт чемпионату «Я – профи 2023»

Кэлэр нэдиэлэ сэргэх сонуннаах буоллун. 
Айна Яковлева