Главная » 2022 » Декабрь » 27 » Оҕолорго саҥа дьыллааҕы утренниктар
05:38
Оҕолорго саҥа дьыллааҕы утренниктар

Ахсынньы 21-23 күннэригэр Сунтаардааҕы оҕо дьоҕурун сайыннарар киин үөрэнээччилэригэр саҥа дьыллааҕы утренниктар буоллулар. Маҥнайгы күн – 1-2 кылаастар, иккис күн – 3-4 кылаастар, үһүс күн – 5-тэн үөһээ кылаастар көхтөөхтүк кэлбиттэр.  Педагогтар күүстэринэн “Мөһөөччүк дьаабылыка” нуучча мультфильмыгар олоҕурбут “Ойуур остуоруйата” инсценировка, Тымныы оҕоннор, Хаарчаана сиэнинээн эҕэрдэтэ, оонньуу, үҥкүү –битии, ситиһиилээх үөрэнээччилэри, саҥа дьыллааҕы бастыҥ маскараадтары көрүү, Кролик сылыгар төрөөбүттэри чиэстээһин ыытылынна. Бырааһынньыктааҕы оҕо-аймах үөрүүтэ өргө диэри чугдаарда. 
Саргылаах саҥа дьыл салаллан иһэринэн күндү үөрэнээччилэри, төрөппүттэри, педагогтары өссө төгүл итиитик-истиҥник эҕэрдэлиибит. Кэлэр 2023 сыл - Кролик сыла барыгытыгар или-эйэни, дьоллоох олоҕу, дьиэ кэргэҥҥитигэр өйдөһүүнү, үөрүүнү түстээтин.

   

Просмотров: 103 | Добавил: Administrator | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]