Оҕо дьоҕурун сайыннарар киин ПЕРЕЗАГРУЗКА күһүҥҥү лааҕыра

Сунтаар нэһилиэгин үөрэнээччилэрэ күһүҥҥү каникулларын туһалаахтык, интэриэһинэйдик атааралларыгар сыл ахсын кыһаллабыт. Оҕолортон ким эрэ куруһуокка ылбыт сатабылын чиҥэтээри, ким эрэ баҕа санаатын олоххо киллэрээри бастакы хардыыларын оҥорор, ким эрэ доҕотторун кытта уһун сынньалаҥын туһалаахтык атаараары дьулуһар. Күүппүппүт  курдук быйыл эмиэ 170-чэ оҕону хабан педагогтар түөрт блогунан анал программаларын оҥорон ПЕРЕЗАГРУЗКА чэбдигирдэр-үөрэтэр күһүҥҥү лааҕыр биэс күн устата таһаарыылаахтык үлэлээтэ. Оҕолор WordlSkills компетенцияларыгар, "Наследники Победы 75" кыраайы үөрэтии хайысхаларыгар, ЦДТ үөрэтэр программаларын чиҥэтиигэ (дуобат, саахымат, уруһуй, видеостудия, робототехника) уонна оҕо уопсастыбаннай хамсааһыннарын  үлэтигэр (ЕДД, РДШ, Эр хоһуун, Саха-КВН) туһуламмыт лааҕырга сөбүлээн дьарыктаннылар. Сунтаар бастакы оскуолатын остолубуойугар күҥҥэ иккитэ аһаатылар. Ылбыт билиилэрин, сатабылларын  сынньалаҥы кытта тэҥҥэ дьүөрэлээтилэр, күрэхтэргэ, чемпионаттарга кытыннылар, саҥа дьыллааҕы киинэҕэ уһулуннулар, Сунтаар- Кириэстээх- Бүлүүчээн- Наахара-Тойбохой-Сунтаар устун автотурга сырыттылар, бары бииргэ сомоҕолоһон оһуокайдаан эргийдилэр, ФЛЕШ мобка үҥкүүлээн тэйдилэр о.д.а. тэрээһиннэр быыстала суох буоллулар.

  
 Күһүҥҥү лааҕыр үөрүүлээх сабыллыыта сэтинньи 8 күнүгэр буолуоҕа. 

Айна Яковлева.