Үөрэнээччилэр күһүҥҥү сынньалаҥнарын  туһалаахтык атаардыннар, буолаары турар "Эдэр профессионаллар", "Я- профи" (Кидскиллс) чемпионаттарга бэлэмнэнэр  уонна актыбыыс, көхтөөх оҕолору чорботон бэлиэтиир сыаллаах "Перезагрузка 2022 Интенсив" лааҕыр бу күннэргэ үлэлии турар. Лааҕырга 108 оҕо, 12 хайысханан сатабылларын чиҥэтэн үөрэнэ, араас тэрээһиннэргэ көхтөөхтүк кытта сылдьаллар.  Сунтаар 1 нүөмэрдээх орто оскуола остолобуойугар иккитэ тотоойутук аһаан, сынньалаҥнарыгар Сунтаар устун автобуһунан экскурсияҕа, аһаҕас, дьыалабыай  кэпсэтиилэргэ, интэриэһинэй дьоннуун көрсүһүүлэргэ кыттыыны  ылыахтара. Биэс  күннээх лааҕыр үлэтэ сэтинньи 11 күнүгэр үөрүүлээхтик түмүктэниэҕэ.

Сунтаардааҕы оҕо дьоҕурун сайыннарар киин пресс-киинэ.