Сааскы каникул кэмигэр Сунтаардааҕы оҕо дьоҕурун сайыннарар киин базатыгар сайын буолуохтаах үөрэнээччилэр Спартакиадаларыгар кыттыахтаах саахымаччыттарга үөрэтэр-эрчиллэр сбор буолан ааста. Тренердэринэн Родионов Е.М., Николаев Г.К. үлэлээтилэр. Сборга барыта 5 оҕо сырытта (Сунтаартан -2, Аллыҥаттан-2, Тойбохойтон -1 ). 
 Оҕолор биэс күн саахымат теориятын үөрэттилэр, садаачалары суоттаатылар. Педагог Руслан Рудольфович бэлэмнээбит информатикаҕа олимпиадатыгар кыттыннылар. Сбор түмүгүнэн 3 оҕо – Иванов Коля (Тойбохой), Софронова Света (Сунтаар), Яковлев Аристарх (Аллыҥа) бэс ыйыгар өрөспүүбүлүкэтээҕи Спартакиадаҕа кыттар чиэскэ тигистилэр. 
Саахымакка сбору тэрийбит салайааччыбытыгар А.В.Антоноваҕа уонна минньигэс итии аһылыгы астаан аһаппыт З.А.Ивановаҕа, А.В.Коротоваҕа махталбытын тириэрдэбит.

Г.К.Николаев, сбор саахымакка тренерэ