Бүгүн Дьокуускай куорат "Туймаада" стадионугар "Спортивные якутяне" Саха сирин үөрэнээччилэрин өрөспүүбүлүкэтээҕи Спартакиадатын финальнай этабын үөрүүлээх аһыллыыта буолла.

Спартакиадаҕа өрөспүүбүлүкэ араас муннугуттан бастыҥ аатын ылар иһин 1300 эдэр спортсмен спорт араас көрүҥэр күрэхтэһэ түмүстүлэр.

Сүүмэрдээһини ааһан финалга күөн көрсө кэлбит эдэр спортсменнары Ил Дархан Айсен Николаев эҕэрдэлээн тыл эттэ. Өрөспүүбүлүкэбит Ил Дархана быһаарыытынан үөрэнээччилэр Спартакиадалара инникитин үгэс быһыытынан сылын аайы ыытыллар буолуоҕа.

Үөрүүлээх тэрээһин сүрүн бэлиэ түгэнинэн эрдэ Арчы дьиэтиттэн саҕыллыбыт Спартакиада уота эстафетанан "Туймаада" стадиоҥҥа кэлэн умайыыта буолла.

Үөрүүлээх аһыллыы кэнниттэн күрэхтэһиилэр номнуо саҕаланнылар. Сорох көрүҥнэргэ түмүктэри күүтэбит.

Сунтаарбыт улууһуттан бу Спартакиадаҕа баран кытта сылдьар оҕолорбутугар ситиһиилэри баҕарыаҕыҥ.

СунтаарСонуннара