Хас сылын ахсын Н.М.Родионова аатынан Сунтаардааҕы оҕо дьоҕурун сайыннарар киин администрацията, педагогтара улуус баһылыгын харыйатыгар оҕолорго, педагогтарга кэлбит ыалдьыттарга үөрүүнү, интэриэһинэй түгэннэри бэлэхтиир үтүө үгэстээх. 
Быйылгы Ороһуоспатааҕы харыйа кыттыылаахтарыгар “Сынньаныахха, оонньуохха, кыайыахха” диэн ааттаах доҕордоһуу, билсиһии түһүмэҕэ бэрт интэриэһинэйдик ааста. “Выпускник-2023, Эн кимҥиний?”  анкета, Сунтаар улууһун нэһилиэктэрин картатын төһө түргэнник таҥаҕын? –хомулук. Ааспыт 2022 сыл Сунтаар улууһугар, Саха Өрөспүүбүлүкэтигэр, Россияҕа, Аан дойдуга – компьютернай оонньуу.  “Т.О.К.” –таайбараҥнар, «Педагог уонна наставник, Үлэ, Төрөөбүт төрүт тыл Сылларын уруйдуубут!” айар мастарыскыай үлэлээтэ. Хас биирдии түһүмэххэ көхтөөхтүк кыттыбыт, элбэх жетону ылбыт Яковлев Никита, Мекумянов Дима уонна Терентьев Кирилл өйдөбүнньүк бириистэри ыллылар. 

«Былаастыын сэһэргэһии: Сунтаарым сайдар кэскилэ» диэн аһаҕас кэпсэтиигэ үөрэнээччилэр кыһыл уонна от күөҕэ хамаандаларга хайдан үлэлээтилэр.  Манна экономика, промышленность, үп салаатыттан,  социальнай эйгэттэн, спорт, култуура, медицина тэрилтэлэриттэн  эппиэттээх үлэһиттэр, улуус баһылыгын солбуйааччылара – Г.М.Еремеев, Б.С.Васильев кыттыыны ыллылар.  Сэһэргэһии 4 түһүмэхтээх буолла: Ааспыт сыл мин олохпор, оскуолатааҕы уруоктар –олох уруоктара, Сунтаарым бүгүҥҥү күнэ уонна сайдар саҕахтара, экспресс- ыйытыктар.

Фотографии в хорошем качестве