Икки сылга биирдэ ыытыллар улуустааҕы УОЛ ОҔО ТОЙУГА күрэх быйыл төрдүс төгүлүн  "Олоҥхо" саха төрүт култууратын киинигэр ыытылынна.  Уолаттары үс сүһүөҕүнэн (кыра, орто, улахан )арааран Кураһаай Мэхээлэ, Туяра Алексеева, Александра Яковлева састааптаах дьүүллүүр сүбэ сыаналаата. Күрэх кыттыылаахтарын, ыалдьыттары  сааскы ылааҥы күнүнэн эҕэрдэлээн Саха Өрөспүүбүлүкэтин култууратын туйгуна, өрөспүүбүлүкэҕэ оһуокай күрэхтэрин Дархан этээччитэ, тойуксут, алгысчыт Михаил Евсеев-Кураһаай Мэхээлэ кылыһахтаах тойугунан алгыс тыл бастыҥын анаата.

ТОЙУК КҮРЭҔИН ТҮМҮГЭ:
Биирдиилээн толоруу. (1-4 кыл)
1 м. Гоголев Туйгун, 3 кыл,  Кутана (сал. Афанасьева М.П.) Иван Федорович Васильев анал бирииһэ.
2 м. Николаев Талбан, 3 кыл, Дьаархан (сал. Иванова Л.Н.) Кутана оскуолатын анал бирииһэ.
3 м. Николаев Айтал, 2 кыл., Кутана (сал. Афанасьева М.П.)
(5-7 кыл.)
1 м. Гоголев Уйгулаан, 5 кыл., Кутана (сал. Афанасьева М.П.) Моисей Осипович Иванов анал бирииһэ.
(8-11 кыл.)
1 м. Уаров Коля, 8 кыл.,  Тойбохой (сал. Васильева Д.К.) Роман Данилович Иванов анал бирииһэ.
2 м. Андреев Миша, 10 кыл., Тойбохой, (сал. Васильева Д.К.) Михаил Михайлович Евсеев Кураһаай Мэхээлэ анал бирииһэ.
3 м. Захаров Илларион 10 кыл. Кутана (сал. Афанасьева М.П.)
Бөлөҕүнэн.
(1-4 кыл.)
1 м. "Сырдык сардаҥа" 2 кыл. Кутана (сал. Афанасьева М.П.)
2 м. "Күлүм" 3 кыл., Кириэстээх (сал. Макаринская Ж.А.)
(5-7 кыл.)
1 м. "Сардаҥа" 7 кыл. Бордоҥ (сал. Петрова Л.Г.)

Бириистээх миэстэлэри ылбыт уолаттар аны сайын улуус ыһыаҕар оҕо түһүлгэтигэр кыттыыны ылыахтара. 

Уол оҕо эрэлбит, инники кэскилбит, кылыһахтаах тойуга үйэлэргэ дуорайа турдун!

Сунтаардааҕы оҕо дьоҕурун сайыннарар киин