Бүгүн Надежда Михайловна Родионова аатын үйэтитэр сыаллаах ЗАЖИГАЯ СЕРДЦА ДЕТЕЙ: ОТ ПИОНЕРИИ И КОМСОМОЛА ДО РДШ диэн баһаатайдар, педагог организатордар, эбии үөрэхтээһин педагогтарын ортотугар көрүү күрэх икки түһүмэҕэ ZOOM платформаҕа ыытылынна. Конкурс кыттыылаахтарыгар тэрийээччилэр ааттарыттан улуус баһылыгын солбуйааччыта Г. М. Еремеев, өрөспүүбүлүкэтээҕи оҕо хамсааһынын отделын методиһа А. Д. Васильев, улуустааҕы үөрэх салаатыттан Н. П. Яковлева, СЦДТ директора А. В. Антонова уонна Надежда Михайловна аймаҕа Т. И. Андреева истиҥ эҕэрдэлэрин эттилэр, ситиһиилэри баҕардылар. Конкурска Тойбохойтон Альбина Иванова, Дьаархантан Сардана Гольдерова, Бүлүүчээнтэн Елена Пахомова, СЦДТ Вера Зоммер, ССОШ1 Степанида Смогайло оҕолорго сынньалаҥ тэрээһиннэри (досуговое мероприятие) ыыттылар уонна үлэлэрин уопутун, бэйэлэрин сонун көрүүлэрин, бырайыактарын дьүүллүүр сүбэ иннигэр кэпсээтилэр. Үһүс түһүмэҕи "Уроки Добра и Жизни" анал дьарыктары кэтэхтэн сыаналаан баран, кыайыылаахтар ааттарын ахсынньы 7 күнүгэр билиэхпит.

 @ayna_yakovleva0301