Главная » 2024 » Февраль » 7 » ДУОБАТ-СААХЫМАТ СПОРДУН СОНУННАРА
04:09
ДУОБАТ-СААХЫМАТ СПОРДУН СОНУННАРА

ДУОБАТ-СААХЫМАТ СПОРДУН СОНУННАРА
Тохсунньу 25 күнүгэр Сунтаардааҕы оҕо дьоҕурун сайыннарар киинҥҥэ үөрэнээччилэр комплекснай Спартакиадаларын чэрчитинэн оҕолорго хамаанданан бастыыр иһин саахымакка күрэхтэһии буолан ааста. Күрэхтэһиигэ Күүкэйтэн, Аллыҥаттан, Түбэйтэн, Тойбохойтон, Түбэй-Дьаархантан, Элгээйиттэн, Кутанаттан, Сунтаартан (политехническай лицей, ССОШ-1, ССОШ-2, гимназия) барыта 11 хамаанда кытынна. Спортсменнары улуустааҕы саахымат Федерациятын кылаабынай тренерэ, Элгээйи нэһилиэгин баһылыга Павел Анатольевич Григорьев, улуустааҕы үөрэҕирии салалтатын методическай салаатын сүрүннүүр специалиһа Саргылаана Николаевна Саввинова итиитик-истиҥник эҕэрдэлээтилэр.
«Улахан кылаас оҕолоругар 11 хамаанда кыттыбытыттан 100-тэн тахса оҕолоох оскуолаларга I миэстэни - политехническай лицей, II миэстэни - Тойбохой оскуолата, III миэстэни –Сунтаар 1-нүөмэрдээх оскуолатын хамаандалара ыллылар.100-кэ тиийбэт оҕолоох оскуолаларга I миэстэни - Күүкэй, II миэстэни Аллыҥа, III миэстэни - Түбэй оскуолатын хамаандалара ыллылар. Орто кылаас оҕолорун хамаандатыгар 15 хамаанда оонньообутуттан 100-н тахса оҕолоох оскуолаларга I миэстэни - лицей , II миэстэни – 1 нүөмэрдээх оскуола, III миэстэни - Тойбохой оскуолатын хамаандалара ыллылар. 100-кэ тиийбэт оҕолоох оскуолаларга I миэстэ –Күүкэй , II миэстэ –Устье, III миэстэ – Түбэй хамаандалара буоллулар.
Уопсай түмүккэ улахан оскуолаларга I миэстэни- Сунтаардааҕы лицей, II миэстэни-Тойбохой оскуолата, III миэстэни – Сунтаар 1-нүөмэрдээх оскуолатын хамаандалара ыллылар. Кыра оскуолаларга I миэстэ - Күүкэй, II миэстэ - Аллыҥа, III миэстэ - Түбэй оскуолалара тахсаннар кубогынан, мэтээллэринэн, грамотанан наҕараадаланнылар», - диэн күрэхтэһии кылаабынай судьуйата Г.К.Николаев түмүгү иһитиннэрдэ.
ххх
Онтон тохсунньу 26 күнүгэр 125 спортсмен улуустааҕы дуобат турнирыгар көхтөөх кыттыыны ылла. Түбэй-Дьаархантан, Элгээйиттэн Дьаархантан, Бүлүүчээнтэн, Хадантан, Бордоҥтон, Аллыҥаттан, Устьеттан, Тэҥкэттэн, Сунтаар нэһилиэгин оскуолаларыттан (СОШ 3, СОШ 2, СОШ 1, лицей, СНОШ, гимназия, санаторнай оскуолаттан) кэлбиттэр. Турнир аһыллыытыгар Сунтаардааҕы оҕо спортивнай оскуолатын директора Владимир Николаевич Данилов, улуустааҕы дуобат Федерациятын бэрэссэдээтэлэ, улуус баһылыгын солбуйааччыта Борис Серафимович Васильев эҕэрдэ тыл эттилэр. Борис Серафимович элбэх эдэр дуобаччыт кэлбититтэн үөрэн: "Оҕолор, дьиэбит кыараҕас диэн санааҕытын түһэримэҥ, элбэхтик күрэхтэһиҥ, салгыы дуобатынан дьарыктаныҥ, оччоҕо ситиһиилэр кэлиэхтэрэ. Мин эмиэ эһиги курдук кыра сааспыттан дуобаттыыбын. Бүгүн ким үчүгэй бэлэмнээх - ол кыайдын! "- диэтэ. Дуобат турнира икки сменанан ыытылынна. Кылаабынай судьуйа Марианна Прокопьевна Григорьева, судьуйа Георгий Константинович Николаев долгутуулаах түмүгү билиһиннэрдилэр.
1-4 кылаас уолаттарыгар:
I м. Григорьев Күндүмэн 3 кыл. СНОШ - СЦДТ
II м. Ксенофонтов Байдам 2 кыл. СНОШ - СЦДТ
III м. Торговкин Даниил 4 кыл.СОШ 3 - СЦДТ
Кыргыттарга:
I м. Петрова Амелия 3 кыл СНОШ - СЦДТ
II м. Попова Настя 4 кыл СНОШ - СЦДТ
III м. Иванова Нина 3 кыл СОШ 2 - СЦДТ
5-8 кыл. уолаттарыгар:
I м. Уаров Тимур, 3 кыл. СНОШ - СЦДТ
II м. Данилов Дьулустан, 8 кыл. Бордоҥ
III м. Николаев Артем, 8 кыл. СПТЛ-и - СЦДТ
Кыргыттарга:
I м. Ефремова Камилла 7 кыл. СПТЛ-и - СЦДТ
II м. Григорьева Айыына 7 кыл. СПТЛ-и - СЦДТ
III м.Петрова Лиана СОШ 1
9-11 кылаастарга
I м. Спиридонов Айсен 11 кыл Бүлүүчээн лицейэ
II м. Максимов Егор 11 кыл.Бүлүүчээн лицейэ
III м. Герасимов Александр Бүлүүчээн лицейэ.
Кыргыттарга
I м. Иванова Лиана, 11 кыл. Бордоҥ
II м. Михайлова Сааскылаана, 11 кыл. СПТЛ-и - СЦДТ
III м. Егорова Агнесса СОШ 2
Күүстээх бэлэмнээх дуобаччыттар кыайыы өрөгөйүн билэн, мэтээл, грамота тутан үөрэ-көтө тарҕастылар.
ххх

Тохсунньу 30 - олунньу 10 күннэригэр Иркутская уобалас Ангарск куоратыгар Сибиир Федеральнай уокуругар уонна Уһук Илин уокурукка нуучча дуобатыгар бастыыр иһин күрэххэ кытта «Дебют» дуобат кулуубун үөрэнээччилэрэ - Тимур Уаров, Күндүмэн, Айыына Григорьевтар, Камилла Ефремова, Эрчимэн Чойнов педагог М.П.Григорьева салалтатынан кытта бардылар. Эдэр дуобаччыттарбытыгар ситиһиилэри баҕарабыт.

Айна Яковлева

Категория: Новости | Просмотров: 183 | Добавил: Григорян | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]