Томороон тымныылаах тохсунньу ый тиһэх күннэрэ үтүө түгэннэртэн сылыйбыкка, уораана сымнаабыкка дылы буолла. Н.М.Родионова аатынан Оҕо дьоҕурун сайыннарар киин 2020 - Сүгүрүйүү уонна Үйэтитии сылын түмүктүүр тэрээһиҥҥэ сыл устата ыыппыт "Наследники Победы" бырайыагынан бочуоттаах бастакы миэстэни ылла. Бырайыакка кыттыбыт педагогтарбыт, салайааччыбыт Кыайыы 75 сылын үбүлүөйүнэй мэтээллэринэн наҕараадаланнылар. Улууспут салалтата, дьоно-сэргэтэ үлэбитин үрдүктүк сыаналаабыта, биһирэбилин эппитэ коллективы үрдүккэ кынаттыыр, саҥа саҕахтары арыйарга кыах биэрэр. 2021 -Үтүөнү үксэтээччи, волонтер сылыгар бииргэ үлэлииргэ, киэҥник хардыылыырга бэлэммит.

<<Instagram>> ... Читать дальше »

Үөрэнээччибитин Тимофей Николаевы, педагог Максимов А.Е. "Промышленный дизайн" компетенцияҕа өрөспүүбүлүкэҕэ үһүс миэстэ буолбуккутунан итии төлөннөөх эҕэрдэбитин ыытабыт. "WSR юниоры" Чемпионакка сыллата кыттан дьулуургутун, талааҥҥытын, кыаххытын көрдөрөн бастыҥнар кэккэлэригэр киирбиккит бу үрдүк үктэл, хайҕал, махтал.

<<Instagram>>